पावसामुळे कांदिवलीत खड्डे

पावसामुळे कांदिवलीत खड्डे
कांदिवली, ता. ३ (बातमीदार) ः सध्या पडत असलेल्‍या अवकाळी पावसामुळे कांदिवलीत बहुतांश चौक आणि नाक्यानाक्यांवर पाणी साचत आहे. रविवारी (ता. ३) अचानक कोसळलेल्या पावसामुळे प्रवाशांसह वाहनचालकांची तारांबळ उडाली.
खड्डे आणि साचलेल्या पाण्यामुळे रविवारी वाहतूक कोंडी झाली होती. एकादशी असल्याने मंदिरातदेखील भक्तांची गर्दी दिसून आली. दुपारी अचानक कोसळलेल्या मुसळधार पावसामुळे पूर्वेला हनुमान नगर, आकुर्ली मार्ग, पश्चिमेला एस. व्ही. रोड, पोईसर डेपो सिग्नल चौकात, बाप्पा सीताराम चौक, चारकोप मार्केट अशा मुख्य सिग्नल चौकात आणि नाक्यावर पाणी साचले होते.
पालिकेने तातडीने खड्डे बुजवून, पाण्याचा निचरा होईल, अशी व्यवस्था करावी अशी मागणी वाहनचालक आणि प्रवाशांमध्ये जोर धरू लागली आहे.