शहाड पुलाजवळ मालवाहू टेम्पो पलटला

शहाड पुलाजवळ मालवाहू टेम्पो पलटला
कल्याण, ता. ४ (बातमीदार) ः शहाड पुलावरून वळण घेत असताना एक मालवाहू टेम्पो पलटल्याने अपघात घडला आहे. या अपघातात टेम्पोचालकासह लहान मुलगा थोडक्यात बचावला.
माहितीनुसार, टेम्पो पुलावर वळण घेण्याचा प्रयत्न करीत होता. या वेळी टेम्पोवरील चालकाचे नियंत्रण सुटल्याने तो पलटला. या टेम्पोत चालकासह त्याचा लहान मुलगा होता. या अपघातात दोघेही बचावले आहेत. या अपघाताचा व्हिडिओ आता समाज माध्यमावर व्हायरल झाला असून तो चर्चेचा विषय ठरत आहे. दरम्यान, या अपघातामुळे रस्त्यावरील वाहतूक काही काळ विस्कळित झाली होती; मात्र तत्काळ प्रशासनाने वाहतूक सुरळीत करण्यासाठी प्रयत्न केले.