महाआरती महोत्सवासाठी जी एस बी टेम्पल ट्रस्ट तर्फे २५२ कोटींचा विमा

महाआरती महोत्सवासाठी २५२ कोटींचा विमा
प्रभादेवी, ता. ४ ः त्रिपुरारी पौर्णिमेनिमित्त वाळकेश्वर येथील प्रसिद्ध बाणगंगेच्या महाआरती महोत्सवानिमित्त होणारी संभाव्य गर्दी लक्षात घेता जीएसबी टेम्पल ट्रस्टच्या वतीने या कार्यक्रमाचा २५२ कोटींचा विमा उतरवला आहे. जीएसबी टेम्पल ट्रस्टच्या वतीने यावर्षीदेखील बुधवारी (ता. ५) सायंकाळी सहा ते आठ या वेळेत महाआरतीचे आयोजन केले आहे. कार्यक्रम शिस्तबद्ध आणि सुरक्षित व्हावा, यासाठी सर्व भाविकांना सहकार्य करण्याचे आवाहन जीएसबी टेम्पल ट्रस्टच्या वतीने करण्यात आले आहे.
प्रत्येक वर्षी भाविकांची होणारी वाढती गर्दी लक्षात घेता जीएसबी टेम्पल ट्रस्टने भाविकांचे ऑनलाइन नोंदणी करण्याचा निर्णय घेतला आहे. त्याला भाविकांचादेखील चांगला प्रतिसाद मिळाला असल्याचे ट्रस्टच्या वतीने सांगण्यात आले.