लाल चौकी ते आधारवाडी चौक परिसरात रस्ते व नाल्यांची सफाई

लाल चौकी ते आधारवाडी चौक परिसरात रस्ते व नाल्यांची सफाई
कल्याण, ता. ४ ः महापालिकेच्या क प्रभागात विशेष स्वच्छता मोहीम राबविण्यात येत आहे. लाल चौकी ते आधारवाडी चौक या परिसरात ही मोहीम सुरू असून रस्ते, नाले आणि सार्वजनिक ठिकाणांची स्वच्छता करण्यात येत आहे. महापालिकेच्या स्वच्छता विभागाने सकाळपासून कर्मचाऱ्यांच्या पथकांसह साफसफाईची मोहीम हाती घेतली आहे. नाल्यांमधील घाण व साचलेला कचरा काढण्यासोबतच रस्त्यांवरील धूळ-कचरा हटविण्यावर भर दिला जात आहे. पालिका अधिकाऱ्यांनी नागरिकांना परिसर स्वच्छ ठेवण्यासाठी सहकार्याचे आवाहन केले असून, सार्वजनिक ठिकाणी कचरा न टाकण्याचे आवाहनही करण्यात आले आहे.