कृष्णा कदम वैद्यकीय मदत कक्षाचा श्री संत मोरे माऊली संप्रदायातर्फे सन्मान

कृष्णा कदम वैद्यकीय मदत कक्षाचा सन्मान
घाटकोपर, ता. ५ (बातमीदार) ः श्री संत मोरे माउली संप्रदायाच्या वतीने पंढरपूर येथे वैद्यकीय सेवेच्या माध्यमातून सामाजिक कार्यात उल्लेखनीय योगदान देणाऱ्या मुंबईतील कृष्णा कदम वैद्यकीय मदत कक्षाचा सन्मान करण्यात आला. या विशेष सन्मान कार्यक्रमास संप्रदायाचे ग्रामीण अध्यक्ष आनंत पार्टे, सचिव लक्ष्मण मोरे, मुंबई कमिटीचे सचिव लहू महाराज मोरे, तसेच दीपक सपकाळ, शांताराम निकम, उत्तम जाधव, शिवराज पार्टे आदी मान्यवर उपस्थित होते. मान्यवरांच्या हस्ते कृष्णा कदम यांचा सपत्नीक सत्कार करून त्यांच्या वैद्यकीय मदत कक्षाच्या समाजाभिमुख कार्याची प्रशंसा करण्यात आली. वैद्यकीय क्षेत्रातील त्यांचे निस्वार्थ योगदान, विशेषतः गरजू रुग्णांसाठी केलेली सेवा, समाजासाठी प्रेरणादायी असल्याचे वक्त्यांनी सांगितले.