ऑनलाइन जुगार खेळणारे गजाआड

ऑनलाइन जुगार खेळणारे गजाआड
स्थानिक गुन्हे अन्वेषण विभागाची रोह्यात कारवाई
रोहा, ता. ५ (बातमीदार) ः मोबाईलच्या माध्यमातून ऑनलाइन गेमिंगद्वारे जुगार खेळणाऱ्या ३५ जणांवर स्थानिक गुन्हे अन्वेषण विभागाने कारवाई केली. रायगड जिल्ह्यात ऑनलाइन जुगाराचा खेळ मांडणाऱ्या टोळीविरोधातील ही पहिलीच कारवाई आहे.
रोहा अष्टमी येथील एचपी पेट्रोलपंपाजवळ योगेश्वरी रसवंतीगृहाजवळ नीतेश सानप (रा. संभे, ता. रोहा) फन गेम, फेनरेप मोबाईल अ‍ॅपच्या माध्यमातून ऑनलाइन गेमिंगच्या नावाखाली जुगार सुरू असल्याची माहिती मिळाली. या माहितीच्या अनुषंगाने पोलिस पथकाने छापेमारी करताना नीतेश सानपसह (रा. संभे, ता. रोहा)सह शिल्पेश पोवाळे (रा. अलिबाग), शिवाजी पवार (रा. रोहा, भुवनेश्वर) यांच्यासह ३५ जणांवर महाराष्ट्र जुगार प्रतिबंध अधिनियम १८८७चे कलम १२ (अ) अंतर्गत गुन्हा नोंदवण्यात आला आहे. तसेच मोबाइल, रोख रकमेसह १८,१८० रुपयांचा मुद्देमाल जप्त केला आहे.