भरधाव दुचाकीची रिक्षाला धडक

भरधाव दुचाकीची रिक्षाला धडक
खालापूर, ता. ६ (बातमीदार) ः भरधाव दुचाकीने रिक्षाला समोरून जोरदार धडक दिल्याने झालेल्या अपघातात दोघे गंभीर जखमी आहेत.
खोपोली-पाली मार्गावर देवन्हावे गावाच्या हद्दीत बुधवारी (ता. ५) दुपारी हा अपघात झाला.
खोपोली पोलिस ठाणे हद्दीत पाली-खोपोली रस्त्यावर देवन्हावे गावाच्या हद्दीत तावडे हॉटेलच्या पुढे असलेल्या वळणावर खोपोलीकडून पालीकडे जाणाऱ्या दुचाकीने रिक्षाला जोरदार धडक दिली. या अपघातात सार्थक सुतक (वय २०), नितेश निरगुडे (१९, दोन्ही रा. पत्र्याची वाडी, पो. परळी, ता. सुधागड) गंभीर जखमी झाले. या अपघातात दोन्ही वाहनांचे झाले असून खोपोली पोलिस ठाण्यात गुन्हा दाखल करण्यात आला आहे.