उखाणे स्पर्धेचा निकाल जाहिर,

नवरात्र विशेष ऑनलाइन उखाणे स्पर्धांचा निकाल जाहीर
सरळगाव, ता. ६ (बातमीदार) ः ठाणे, पालघर जिल्हा महाराष्ट्रीय वैश्य समाज संघाच्या वतीने घेतलेल्या नवरात्र विशेष ऑनलाइन उखाणे स्पर्धांचा निकाल नुकताच जाहीर करण्यात आला. यात मोठ्या गटात रश्मी काबाडी तर लहान गटात प्रिया गंधे यांनी विजयाचा मान पटकवला.
महिलांच्या कलागुणांना वाव मिळावा म्हणून महिलांसाठी जिल्हा संघाच्या वतीने अनेक कार्यक्रम राबवले जातात. याचाच एक भाग म्हणून नवरात्रीत उखाणे स्पर्धा घेण्यात आल्या होत्या. या स्पर्धेत एकूण ४० महिला सहभागी झाल्या होत्या. पंचांच्या वतीने या स्पर्धेत सहभागी झालेल्या उखाण्याची पडताळणी करून विजेते जाहीर करण्यात आले. ही उखाणे स्पर्धा यशस्वी करण्यासाठी, जिल्हा प्रतिनिधी पूजा काबाडी, उपजिल्हा प्रतिनिधी मयूरी तोंडलीकर, सांस्कृतिक समिती सभापती नाजूका गुजरे यांनी विशेष मेहनत घेतली.