कपडा व्यापाऱ्यांची अडीच कोटींची फसवणूक

कपडा व्यापाऱ्यांची अडीच कोटींची फसवणूक
भिवंडी, ता. ६ (वार्ताहर) : काल्हेर येथे तीन जणांनी वेगवेगळ्या कपडा व्यापाऱ्यांकडून तब्बल अडीच कोटी रुपयांचा कपड्याचा माल विकत घेऊन फसवणूक केल्याचा धक्कादायक प्रकार घडला आहे. कालुराम जेताराम शर्मा (रा. पालघर), रौनक खत्री आणि सुनील पटेल (दोघे रा. सुरत, गुजरात) अशी गुन्हा दाखल झालेल्या तिघा आरोपींची नावे आहेत. पोलिसांनी दिलेल्या माहितीनुसार, काल्हेरमधील राजलक्ष्मी कॉम्प्लेक्स येथून जुलै ते ऑगस्टदरम्यान आरोपी तिघांनी संगनमताने दोन कोटी ५१ लाख रुपये किमतीचा कपड्याचा माल विकत घेतला. माल मिळाल्यानंतरही त्यांनी व्यापाऱ्यांना पैसे दिले नाहीत. व्यापारी अशोक छगनलाल सारडा (वय ६६) यांनी मंगळवारी (ता. ४) नारपोली पोलिस ठाण्यात फिर्याद दिली. त्यानुसार तिघा आरोपींविरोधात गुन्हा दाखल करण्यात आला आहे.