मुंब्रा रेतीबंदर खाडी किनारी महिलेचा मृतदेह आढळला,

खाडीकिनारी महिलेचा मृतदेह आढळला
कळवा, ता. ६ (बातमीदार) ः मुंब्रा खाडी रेतीबंदर गणेश घाट किनाऱ्याजवळ एका २५ वर्षीय अज्ञात महिलेचा मृतदेह आढळल्याची घटना गुरुवार (ता. ६) सायंकाळी उघडकीस आली.
हे वृत्त समजताच मुंब्रा पोलिस, अग्निशमन दलाच्या जवानांनी, आपत्ती व्यवस्थापन दलाच्या कर्मचाऱ्यांनी घटनास्थळी धाव घेतली. या खाडीकिनारी पाण्यात तरंगणारा महिलेचा मृतदेह बाहेर काढला. मुंब्रा पोलिसांनी मृतदेह कळव्यातील छत्रपती शिवाजी महाराज रुग्णालयात शवविच्छेदनासाठी पाठला आहे. मुंब्रा पोलिस अधिक तपास करीत आहेत.
---