सेवानिवृत्त अधिकाऱ्यांना ‘ओएसडी’ पदावरून हटवा!

सेवानिवृत्त अधिकाऱ्यांना ‘ओएसडी’ पदावरून हटवा!

सकाळ वृत्तसेवा
मुंबई, ता. ७ ः महापालिकेत सेवानिवृत्त झालेल्या वरिष्ठ अधिकाऱ्यांना पुन्हा ‘ओएसडी’ (विशेष कर्तव्य अधिकारी) म्हणून नियुक्त करण्यात आल्याने अधिकाऱ्यांमध्ये नाराजी आहे. सहाय्यक आयुक्त, उपायुक्त आणि सहआयुक्त पदावरील तब्बल १७ अधिकाऱ्यांनी थेट आयुक्त भूषण गगराणी यांना पत्र लिहून या सेवानिवृत्त अधिकाऱ्यांना तातडीने हटवावेत, अशी मागणी केली आहे.

महापालिकेतील विविध खात्यांमध्ये सध्या नऊ सेवानिवृत्त अधिकारी ‘ओएसडी’ म्हणून कार्यरत आहेत. या अधिकाऱ्यांना मंत्री, आमदार आणि राजकीय नेत्यांशी जवळीक असल्यामुळेच त्यांना पुन्हा पदांवर बसवण्यात आल्याचा आरोप करण्यात येत आहे. यामुळे नियमित सेवेत असलेल्या आणि पदोन्नतीस पात्र अधिकाऱ्यांच्या संधींवर गदा येत असल्याने प्रशासनात असंतोषाचे वातावरण निर्माण झाले आहे. पालिकेच्या इतिहासात पहिल्यांदाच एवढ्या मोठ्या प्रमाणावर वरिष्ठ अधिकाऱ्यांनी एकत्र येऊन बंड पुकारले असल्याची चर्चा पालिका वर्तुळात रंगली आहे.