राष्ट्रवादी कॉंग्रेस पार्टीच्या पदाधिकाऱ्याचा आझाद मैदानात धरणे आंदोलन करण्याचा इशारा

नोवेल साळवे यांचा आझाद मैदानात धरणे आंदोलनाचा इशारा
कल्याण, ता. ८ (वार्ताहर) : हल्ल्यातील सूत्रधारांवर अद्यापपर्यंत कोणतीच कारवाई न झाल्याने शरद पवार गटाचे माजी प्रदेश सचिव नोवेल साळवे यांनी आझाद मैदानात धरणे आंदोलन करण्याचा इशारा दिला आहे. यासंदर्भात साळवे यांनी मुख्यमंत्री देवेंद्र फडणवीस, राज्य मानवाधिकार आयोगाचे अध्यक्ष आणि शरद पवार गटाचे प्रदेशाध्यक्ष शशिकांत शिंदे यांना पत्र दिले आहे.
नोवेल साळवे यांनी स्वतःवर ९ जून रोजी जीवघेणा हल्ला झाल्याबद्दलचे निवेदन मुख्यमंत्री व ठाणे पोलिस आयुक्तांना दिले होते. व दोषींवर गुन्हा दाखल करण्यासाठी संबंधित पोलिस स्टेशनला निर्देश देण्याबाबत विनंती केली होती. परंतु, पोलिसांनी साळवे यांचा जबाब न नोंदविता उल्हासनगरचे वरिष्ठ पोलिस निरीक्षक आवताडे यांनी आर्थिक देवाणघेवाण करून प्रमुख सुत्रधार दोषींवर कुठलीच कारवाई न करता त्यांना पाठिशी घातल्याचा आरोप साळवे यांनी केला आहे. या बद्दल त्यांच्याव कारवाई आणि दोषींवर गुन्हा नोंदवावा, अशी मागणी त्यांनी पत्राद्वारे केली आहे.