प्रेयसीचे फोटो तरुणाकडून व्हायरल

प्रेयसीचे फोटो तरुणाकडून व्हायरल
भायखळा पोलिस ठाण्यात गुन्हा दाखल
नवी मुंबई, ता. ११ (वार्ताहर): सीवूड्स येथील २२ वर्षीय तरुणाने प्रेयसीवर लैंगिक अत्याचार करून तिचे नग्नावस्थेतील फोटो सोशल मीडियावर व्हायरल केला आहे. या प्रकरणी पनवेल शहर पोलिस ठाण्यात गुन्हा दाखल आहे.
भायखळा येथे राहणारी पिडित तरुणी सीवूड्स येथील एका महाविद्यालयात शिक्षण घेत आहे. त्याच महाविद्यालयाच्या वसतिगृहात राहणाऱ्या तरुणाशी काही वर्षांपूर्वी ओळख झाली होती. मैत्रीचे रुपांतर प्रेमात झाले. जानेवारी २०२४ मध्ये पीडित तरुणीला पनवेल परिसरातील श्री साई हॉटेलमध्ये नेले. तिथे जबरदस्तीने तिच्यावर लैंगिक अत्याचार केला. तसेच नकळत नग्नावस्थेतील तिचे फोटो काढले होते. काही दिवसांपूर्वी आरोपीने समाजमाध्यमावर फोटो व्हायरल केले. या प्रकरणाची माहिती कालांतराने पीडित तरुणीला मिळाली होती. यानंतर भायखळा पोलिस ठाण्यात तक्रार दाखल केली होती. हा गुन्हा पनवेलमधील हॉटेलमध्ये झाल्याने पनवेल शहर पोलिसांकडे गुन्हा वर्ग करण्यात आला आहे.