कळव्यात शिक्षकांसाठी मूल्यवर्धन प्रशिक्षणाचे आयोजन,

कळव्यात शिक्षकांसाठी मूल्यवर्धन प्रशिक्षणाचे आयोजन
कळवा, ता. ११ (बातमीदार) ः राज्य शिक्षण व शिक्षक संशोधन परिषदेच्या व जिल्हा शिक्षक प्रशिक्षण संस्थेच्या आणि ठाणे महापालिका शिक्षण विभाग यांच्या वतीने ठाणे पालिका व खाजगी अनुदानित शाळेतील शिक्षकांसाठी मूल्यवर्धन प्रशिक्षणाचे आयोजन केले होते. या प्रशिक्षणाचे उद्‍घाटन ठाणे महापालिका शिक्षणाधिकारी कमलकांत म्हेत्रे यांच्या हस्ते सोमवार (ता. १०) कळवा येथील शाळा क्रमांक ११५ मध्ये झाले. या प्रशिक्षणात कळवा, मुंब्रा, शीळ, दिवा परिसरातील महापालिका व खाजगी शाळेतील १५० शाळांमधील ३०० शिक्षक हे प्रशिक्षण घेत आहेत. याप्रसंगी यूआरसी एक, समन्वयक मुस्ताक पठाण, गटप्रमुख संतोष दळवी, ललिता सारंग, उमाकांत कुंठे व मुथा फाउंडेशनचे समन्वयक श्रीयुत पवार आणि खाजगी अनुदानित शाळेतील शिक्षक उपस्थित होते. यावेळी ठाणे महापालिका शिक्षणाधिकारी म्हेत्रे यांनी उपस्थित प्रशिक्षणार्थ्यांना मूल्यवर्धन प्रशिक्षणाचे महत्त्व हेतू त्याचप्रमाणे मूल्यवर्धन प्रशिक्षणाची गरज याबाबत सविस्तर माहिती दिली. विद्यार्थी सुरक्षा व विद्यार्थी सुरक्षाचे अध्यादेश ,पोक्सो कायदा, व माहिती पालकांपर्यंत पोहोचवली का याबाबत प्रशिक्षणार्थी शिक्षकांचा आढावा घेतला.