मालवणी लक्ष्मी नगर येथे पाण्याची नासाडी!

मालवणी लक्ष्मी नगर येथे पाण्याची नासाडी
मालाड, ता. ११ (बातमीदार) ः मालवणी गेट क्रमांक ६, लक्ष्मीनगर परिसरात गेल्या १५ ते २० दिवसांपासून जलवाहिनीला गळती लागल्याने दररोज शेकडो लिटर पिण्याचे पाणी वाया जात आहे. जुलीयस वाडी रस्त्यावरील जुरासिक पार्क परिसरात ही गळती सुरू असून, स्थानिक नागरिकांनी अनेक वेळा पालिका पी-उत्तर विभागातील पाणीपुरवठा खात्याकडे तक्रार केली आहे. मात्र अद्याप कोणतीही दुरुस्ती करण्यात आलेली नाही. या निष्काळजीपणामुळे परिसरात चिखल, अस्वच्छता आणि पाण्याचा अपव्यय वाढला आहे. नागरिकांनी तातडीने ही गळती बंद करून जलवाहिनी दुरुस्ती करण्याची मागणी केली आहे.