मुंबई विद्यापीठातर्फे सामूहिक गायन

मुंबई विद्यापीठातर्फे सामूहिक गायन
मुंबई, ता. ११ : मुंबई विद्यापीठाच्या वतीने शुक्रवारी (ता. ७) आयोजित केलेल्या ‘वंदे मातरम्’ गीताच्या १५०व्या वर्धापनदिनानिमित्त भव्य सामूहिक गायन कार्यक्रमात के. पी. बी. हिंदुजा कॉलेज ऑफ कॉमर्सच्या डी.एल.एल.ई. युनिटने सहभाग नोंदवला. या ऐतिहासिक उपक्रमात मुंबईतील विविध महाविद्यालयांमधील १० हजारांहून अधिक विद्यार्थी देशभक्तीच्या आणि सांस्कृतिक एकतेच्या अनोख्या वातावरणात एकत्र आले होते. कार्यक्रमाला पद्मश्री सन्मानित अभिनेते मनोज जोशी, दिग्गज गायक डॉ. शंकर महादेवन हे प्रमुख पाहुणे म्हणून उपस्थित होते. त्यांच्या प्रेरणादायी उपस्थितीमुळे हा सोहळा अधिक तेजस्वी झाला आणि विद्यार्थ्यांच्या हजारो आवाजातून भारताच्या गौरवशाली राष्ट्रगीताचा आदर करण्यात आला.