मुंबईत आज सादर होणार तरुणाईचे नाट्याविष्कार!

मुंबईत आज सादर होणार तरुणाईचे नाट्याविष्कार!
‘सकाळ करंडक’ एकांकिका स्पर्धेची रसिकांना उत्सुकता

मुंबई, ता. १० : ‘सकाळ माध्यम समूहा’तर्फे आयोजित ‘सकाळ करंडक आंतरमहाविद्यालयीन एकांकिका स्पर्धे’ची मुंबई विभागीय अंतिम फेरी बुधवारी (ता. १२) माटुंगा येथील यशवंत नाट्य मंदिरात सकाळी ९ वाजल्यापासून सुरू होणार आहे. या स्पर्धेत कोणती एकांकिका महाअंतिम फेरी गाठणार, याची उत्सुकता शिगेला पोहोचली आहे.

‘सकाळ’ आयोजित ‘यीन’च्या सहकार्याने ही स्पर्धा राज्यभरात सहा विभागांमध्ये होत असून, केसरी आणि बुलडाणा अर्बन को-ऑप. क्रेडिट सोसायटी लि. हे या स्पर्धेचे सहप्रायोजक आहेत. गेल्या वर्षी मुंबई विभागातून सर्वोत्कृष्ट ठरलेली एकांकिका महाअंतिम फेरीतही राज्यात सर्वोत्कृष्ट ठरली होती. त्यामुळे मुंबई विभागाच्या अंतिम फेरीत सादर होणाऱ्या एकांकिकांची उत्सुकता वाढली आहे. या स्पर्धेत बुधवारी सकाळी ९ वाजता महर्षी दयानंद महाविद्यालय (झुकेगा नहीं साला), १० वाजता जे. जे. कला महाविद्यालय (वेल्लीयार), ११ वाजता कीर्ती कॉलेज (आवाज कोणाचा?), दुपारी १२ वाजता भवन्स स्वायत्त महाविद्यालय (टॉक टू मी), २ वाजता सतीश प्रधान ज्ञानसाधना (धिमक्का), ३ वाजता डॉ. टी. के. टोपे रात्र महाविद्यालय (शुभोजित), ४ वाजता विद्यालंकार (ऑटोमेशन ५.०), सायंकाळी ५.१५ वाजता श्री सिद्ध ठाकूरनाथ महाविद्यालय (पाकीटमार रंगमंडल) आणि ६.१५ वाजता अभिनव महाविद्यालय (पाटी) एकांकिका सादर करण्यात येणार आहेत. त्यानंतर बक्षीस वितरण होईल.

मान्यवरांच्या उपस्थितीत बक्षीस वितरण
एकांकिकांचे सादरीकरण झाल्यानंतर सायंकाळी ७.३० वाजता प्रसिद्ध अभिनेते संजय नार्वेकर, प्रसिद्ध दिग्दर्शक विजय केंकरे यांच्या प्रमुख उपस्थितीत या स्पर्धेचे बक्षीस वितरण होईल. या स्पर्धेचे ब्रॅण्ड ॲम्बेसेडर प्रख्यात दिग्दर्शक चंद्रकांत कुलकर्णी हेही या वेळी उपस्थित राहतील.

...
फोटो संजय नार्वेकर, विजय केंकरे, चंद्रकांत कुलकर्णी
लोगो
१. सकाळ करंडक
२. केसरी
३. बुलडाणा अर्बन को-ऑप. क्रेडिट सोसायटी लि.