विहुले ग्रामस्थांचा भाजपात जाहीर पक्षप्रवेश

विहुले ग्रामस्थांचा भाजपमध्ये जाहीर पक्षप्रवेश
माणगाव, ता. १३ (वार्ताहर) ः साई पंचायत समिती गणातील विहुले गावातील ग्रामस्‍थांनी भारतीय जनता पक्षात (भाजप) जाहीर पक्षप्रवेश केला आहे.
प्रदेशाध्यक्ष तथा मंत्री रवींद्र चव्हाण, खासदार व जिल्हाध्यक्ष धैर्यशील पाटील, आमदार प्रशांत ठाकूर, आमदार रवी पाटील, लोकसभा प्रमुख सतीश धारप आणि माजी राजिप अध्यक्ष आस्वाद पाटील यांच्या नेतृत्वावर विश्वास ठेवून विहुले ग्रामस्थांनी हा निर्णय घेतला. विद्यमान ग्रामपंचायत सदस्य समीर सुभाष महाडीक यांच्या मार्गदर्शनाखाली हा पक्षप्रवेश सोहळा पार पडला. या वेळी प्रमोद गणपत महाडीक (अध्यक्ष, विहुले उत्कर्ष मंडळ मुंबई), चंद्रकांत बालाजी कठे (उपाध्यक्ष), गजानन विठोबा दळवी (सचिव), विजय शंकर महाडीक (अध्यक्ष, ग्रामस्थ मंडळ विहुले), विश्वास केशव महाडीक, प्रशांत पंढरीनाथ महाडीक, अरविंद मोतीराम दळवी, सुभाष तुकाराम दळवी आणि मधुकर दामोदर महाडीक आदी ग्रामस्थांनी जाहीरपणे भाजप प्रवेश केला. या प्रसंगी माणगाव तालुकाध्यक्ष परेश सांगले, उपाध्यक्ष सुधीर म्हामुणकर, साई विभाग उपाध्यक्ष निलेश दळवी, जनार्दन महाडीक आदी उपस्थित होते. पक्षप्रवेशानंतर बोलताना निलेश दळवी यांनी सांगितले की, विहुले गावाच्या सर्वांगीण विकासासाठी भाजप कटिबद्ध असून, गावात विकासकामांची गती अधिक वाढवली जाईल.