क्रिफ्टो करन्सीच्या प्रलोभनातून लुबाडले

क्रिफ्टो करन्सीच्या प्रलोभनातून लुबाडले
नवी मुंबई, ता. १५ (वार्ताहर): क्रिप्टो करन्सी देण्याचे प्रलोभन दाखवून एका टोळीने रिअल इस्टेटचे काम करणाऱ्या तरुणाची तीन लाख ५८ हजारांची फसवणूक केली आहे. या प्रकरणाक तुर्भे पोलिस ठाण्यात गुन्हा दाखल आहे.
खारघर येथे राहणारे हर्ष गुफ्ता (२९) रिअल इस्टेटचे काम करतात. काही महिन्यांपूर्वी कामानिमित्ताने कबीर नावाच्या व्यक्तीसोबत ओळख झाली होती. या ओळखीतून कमी किमतीत क्रिफ्टो करन्सीचे प्रलोभन दाखवले होते. तसेच तुर्भे एमआयडीसीतील मार्शल कंपनीजवळ तीन लाख ५८ हजार रुपये घेऊन बोलावले होते. हर्ष गुप्ता विशाल सोबत संवाद साधत असताना, कारमधून पोलिसांच्या गणवेशात आलेल्या पोलिसांनी हर्षच्या हातातील तीन लाख ५८ हजारांचे नोटांचे बंडल घेऊन पलायन केले. या वेळी फसवणूक झाल्याचे लक्षात आल्यानंतर याप्रकरणी तुर्भे पोलिस ठाण्यात तक्रार दाखल केली. त्यानुसार पोलिसांनी चौघांविरोधात फसवणुकीचा गुन्हा दाखल केला आहे.