टीएमटी बसचा अपघात

टीएमटी बसचा अपघात
सकाळ वृत्तसेवा
ठाणे, ता. १३ : घोडबंदर रोडवर ठाण्याकडे येणाऱ्या टीएमटी चालकाचे नियंत्रण सुटल्याने बस रस्त्यावरील इलेक्ट्रिक पोलला जाऊन धडकली. ही घटना गुरुवारी (ता. १३) रात्री सुमारास मानपाडा येथील एमजी हेक्टर शोरूमसमोर घडली. या अपघातात कोणालाही दुखापत झालेली नाही. अपघाताच्या वेळी बसमध्ये किती प्रवासी होते, हे समजू शकले नाही. पोलिस घटनास्थळी पोहोचले तेव्हा बस रिकामी होती. नंतर पोलिसांनी बस रस्त्याच्या कडेला हलवून वाहतूक सुरळीत केली. ही माहिती ठाणे महापालिका आपत्ती व्यवस्थापन कक्षाने दिली.