अलार्म वाजल्याने नायगाव मध्ये दरोड्याचा प्रयत्न फसला

अलार्म वाजल्याने नायगावमध्ये दरोड्याचा प्रयत्न फसला

नालासोपारा, ता. १५ (बातमीदार) : दुकानातील अलार्म वाजल्याने नायगाव येथील महालक्ष्मी ज्वेलर्समधील दरोडा फसला. चोरटे ज्वेलर्सची पाठीमागील भिंत तोडून दुकानात शिरले, मात्र चोरी करण्याआधीच अलार्म वाजल्याने ते फरार झाले. शनिवार (ता. १५) पहाटे साडेतीन वाजता ही घटना घडली. याबाबत नायगाव पोलिस ठाण्यात अज्ञात चोरट्यांविरोधात गुन्हा दाखल करण्यात आला आहे.
नायगाव पूर्वेला महालक्ष्मी ज्वेलर्स दुकान आहे. शनिवारी पहाटे चोरट्यांनी ज्वेलर्सच्या पाठीमागील भिंतीला एक व्यक्ती आत जाऊ शकेल एवढे मोठे भगदाड पाडून आतमध्ये शिरले होते, पण दुकानातील अलार्म वाजला आणि चोरट्यांचा दरोड्याचा प्रयत्न फसला. ही माहिती नायगावचे वरिष्ठ पोलिस निरीक्षक संजय हजारे यांना कळताच त्यांनी आपल्या टीमसह घटनास्थळावर धाव घेऊन, तत्काळ परिसरातील, दुकानातील सीसीटीव्ही कॅमेरे तपासले आहेत. सीसीटीव्ही कॅमेऱ्यात एक दरोडेखोर कैद झाला आहे.