भिवंडी शहरात डंपरचा ब्रेकफेल

डम्परचा ब्रेक फेल झाल्याने सहा गाड्यांचे नुकसान
भिवंडी, ता. १५ (वार्ताहर) ः शहरातील शांतीनगर परिसरातील न्यू आझाद नगर रहिमतपुरा रस्त्यावर एका डम्परचा ब्रेक फेल झाला. या डम्परने रस्त्याच्या कडेला उभ्या असलेल्या दोन दुचाकी, दोन रिक्षा, कार यांना ठोकर दिली. तसेच रस्त्यालगत सुरू असलेल्या बांधकामाला ठोकर मारत टेम्पोला धडक दिली. शेवटी विजेच्या खांबाला धडक देत डम्पर थांबला. दुपारची वेळ असल्याने सुदैवाने या धडकेत कोणतीही जीवितहानी झाली, मात्र सहा वाहनांचे नुकसान झाले आहे. याप्रकरणी शांतीनगर पोलिसांनी चालकाला ताब्यात घेतले आहे.