अभय योजना ३० नोव्हेंबरपर्यंत

अभय योजना ३० नोव्हेंबरपर्यंत
पनवेल (बातमीदार) : महापालिकेच्या मालमत्ता कर विभागामार्फत करदात्यांना दिलासा देण्यासाठी ‘अभय योजना’ राबविण्यात येत आहे. नागरिकांच्या वाढत्या मागणीनुसार शास्ती माफीसाठी रविवार (ता. ३०) पर्यंत योजनेला मुदतवाढ देण्यात आली.
महापालिकेकडून नागरिकांना विविध सवलतींचा लाभ घेण्यासाठी डिजिटल व्यवहाराला प्रोत्साहन देण्यात आले आहे. करदात्यांनी ई-बिल स्वीकारणे, डिजिटल पद्धतीने कर भरणे यामुळे थेट दोन टक्के सवलत मिळू शकते. तसेच ऊर्जा बचत करणारे सौर पॅनेल, शेड नेट, वॉटर हार्वेस्टिंग अशा उपाययोजना केल्यास करामध्ये दोन टक्के सवलत दिली जाणार आहे. याशिवाय, शेतजमिनीचे शेतकरी, अपंग व्यक्ती व माजी सैनिकांना करात सवलती मिळतील.