मुंबई उत्तर पश्चिम लोकसभा क्षेत्रातील “खासदार क्रीडा महोत्सव–२०२५”चे भव्य उद्घाटन

‘खासदार क्रीडा महोत्सव-२०२५’चे जल्लोषात उद्‍घाटन
जोगेश्‍वरी, ता. १६ (बातमीदार) : पंतप्रधान नरेंद्र मोदी यांच्या सूचनेनुसार आणि मुंबई उत्तर पश्चिम लोकसभा क्षेत्राचे खासदार रवींद्र वायकर यांच्या पुढाकाराने आयोजित केलेल्या ‘खासदार क्रीडा महोत्सव-२०२५’ या भव्य स्पर्धेचे उद्‍घाटन आज अंधेरी पश्चिम येथील शहाजीराजे भोसले क्रीडा संकुलात सकाळी साडेसात वाजता खासदार वायकर यांच्या हस्ते उत्साहपूर्ण वातावरणात झाले. सुमारे ३५०० क्रीडाप्रेमींनी या सोहळ्यास हजेरी लावली.
महोत्सवातील विविध खेळांचे आकर्षक जिम्नॅस्टिक प्रात्यक्षिक सादर करण्यात आले. तसेच, महोत्सवाच्या विशेष टी-शर्टचे अनावरण करण्यात आले. स्पोर्ट्स अथॉरिटी ऑफ इंडियाचे सहाय्यक संचालक अंकित पाटील यांच्यासह विविध विभागांचे प्रमुख, शिवसेना पदाधिकारी आणि अधिकारी मोठ्या संख्येने उपस्थित होते. उद्‍घाटनानंतर झालेल्या फुटबॉल सामन्यासाठी बॉलीवूड अभिनेता टायगर श्रॉफ याने विशेष उपस्थिती लावली, त्याचाही या वेळी सन्मान करण्यात आला. सर्व उपस्थितांनी क्रीडा शपथ घेऊन प्रामाणिकता, शिस्त आणि क्रीडाभाव जपण्याचा संकल्प केला. हा महोत्सव १६ नोव्हेंबर ते २५ डिसेंबर या कालावधीत चालणार असून, यामध्ये १५ विविध क्रीडा प्रकारांमध्ये स्पर्धा होणार आहेत, ज्यामुळे नवोदित खेळाडूंना आपली क्षमता सिद्ध करण्याची मोठी संधी मिळणार आहे.