वडघर-चिंचपाडा रस्त्यावर वेगाला वेसण

वडघर-चिंचपाडा रस्त्यावर वेगाला वेसण
ग्रामस्थांच्या मागणीनंतर सिडकोकडून गतिरोधक
नवीन पनवेल, ता. १८ (बातमीदार)ः वडघर-चिंचपाडा रस्त्यावर गतिरोधक नसल्याने अपघातामध्ये दोघांना जीव गमावावा लागला होता. याच अनुषंगाने ग्रामस्थांच्या मागणीनुसार सिडकोकडून गतिरोधक बसवण्यात आले आहेत. त्यामुळे वाहनांच्या वेगावर नियंत्रण येणार आहे.
पनवेल-उरण मार्गावरील कॉलेज फाटा ते चिंचपाडा उड्डाणपुलाच्या रस्त्यावर मोठ्या प्रमाणात वाहतूक वाढली आहे. मोठमोठ्या वाहने अनेक छोट्या-मोठ्या वाहनांची २४ तास वर्दळ सुरू असते. शिवाय दुचाकींचे प्रमाण लक्षणीय आहे, मात्र या मार्गावर गतिरोधक नसल्याने अपघातांचे प्रमाण वाढले होते. दुचाकीस्वारांचे सर्वाधिक अपघात झाले आहेत. चिंचपाडा उड्डाणपुलाजवळ दुचाकी घसरल्याने एकाचा मृत्यू तर एक जण जखमी झाला होता, तर वाघीवली येथील एका मुलाला अपघातामध्ये जीव लागला होता. चिंचपाडा, कोल्ही कोपर आणि वाघीवली येथील ग्रामस्थ आक्रमक झाले होते. या रस्त्यावर गतिरोधक बसविण्यात यावेत, अशी मागणी ग्रामस्थांनी सिडकोकडे केली होती. त्यासाठी पत्रव्यवहार करून पाठपुरावाही केला होता.