श्रीमंत राजराजेश्वरी देवीच्या आगमनाची जोरदार तयारी

श्रीमंत राजराजेश्वरी देवीच्या आगमनाची तयारी
शिवडी, ता. १७ (बातमीदार) : ‘नवसाला पावणारी देवी’ म्हणून प्रसिद्ध असलेल्या ताडदेव येथील श्रीमंत राजराजेश्वरी देवीच्या चैत्र नवरात्री (मार्च) आगमनाची तयारी आतापासूनच सुरू झाली आहे. या तयारीचा एक भाग म्हणून, नुकतीच राजराजेश्वरी प्रतिष्ठान (न्यास) ची १४ वी वार्षिक सर्वसाधारण सभा संपन्न झाली. या सभेत, उत्सव २०२६ ते २०२८ या कालावधीसाठी नवीन विश्वस्त समितीची निवड करण्यात आली आहे. हितेश जाधव यांची अध्यक्षस्थानी, तर उपाध्यक्षपदी अमित मोरे, सचिवपदी रोहित यादव, उपसचिव म्हणून योगेश खामकर, खजिनदारपदी सिद्धेश भगत आणि उपखजिनदार म्हणून गणेश जबडे यांची निवड झाली. प्रमुख विश्वस्त म्हणून अवधूत विचारे, हर्षल गुरव, अतुल विचारे, जितेंद्र घाडी, अर्शक पवार यांची निवड झाली आहे. नवीन विश्वस्त समितीचे विभागात सर्वत्र अभिनंदन होत असून, पुढील वाटचालीस शुभेच्छा दिल्या जात आहेत.