पश्चिम रेल्वेच्या सहकारी पतसंस्थेचा निवडणूक कार्यक्रम जाहिर

पश्चिम रेल्वेच्या पतसंस्थेच्या निवडणुका जाहीर
मुंबई : पश्चिम रेल्वे कर्मचाऱ्यांच्या जॅकसन को-ऑपरेटिव्ह क्रेडिट सोसायटीच्या २०२५ ते २०३० या कालावधीकरिता संचालक मंडळाच्या निवडणुका घेण्याची प्रक्रिया सुरू झाली आहे. या निवडणुकांसाठी केंद्रीय सहकारी निवडणूक प्राधिकरणाने निवडणूक निर्णय अधिकारी म्हणून मुंबईच्या जिल्हाधिकारी आंचल गोयल यांची नियुक्ती केली आहे. या आदेशाच्या आधारे जॅकसन को-ऑपरेटिव्ह क्रेडिट सोसायटीच्या निवडणुका घेण्यात येणार असून, त्याचा अधिकृत कार्यक्रम सोसायटीच्या www.jacksonsociety.com या संकेतस्थळावर उपलब्ध करण्यात आला आहे. सदस्यांनी निवडणूक कार्यक्रमाची नोंद घेऊन प्रक्रियेत सहभाग घ्यावा, असे आवाहन सोसायटीतर्फे करण्यात आले आहे.