कळव्यात खाडी किनारी अनधिकृत बांधकामांवर कारवाई,

कळव्यात खाडीकिनारी अनधिकृत बांधकामांवर कारवाई
कळवा, ता. १८ (बातमीदार) ः मातोश्री जानकी नगर परिसरात खाडीकिनारी बेकायदशीररीत्या भूमाफियांकडून मोठ्या प्रमाणावर बांधकाम केले होते. या अनधिकृत बांधकामांवर मंगळवारी (ता. १८) कळवा प्रभाग समितीच्या सहाय्यक आयुक्त ललिता जाधव यांच्या आदेशाने अतिक्रमण विभागाने धडक कारवाई केली. भूमाफिया कळवा खाडीकिनारी मोकळ्या जागी झाडांची कत्तल करून डेब्रिज टाकून भराव करतात व विटांचे व पत्र्याचे बांधकाम करून त्यावर चाळी उभ्या करतात. यानुसार हजारो बांधकामे या भागात झाली आहेत. त्यामुळे खाडीकिनारी परिसराला पुराचा धोका निर्माण झाला आहे. या परिसरात बांधकाम सुरू असल्याची माहिती अतिक्रमण विभागाला मिळताच त्यावर तोडक कारवाई करण्यात आली.