ठाकरे गटाचा पदाधिकारी मेळावा

ठाकरे गटाचा पदाधिकारी मेळावा
पनवेल (बातमीदार): आगामी स्थानिक स्वराज्य संस्थेच्या निवडणुकीत पनवेल तालुक्यात महाविकास आघाडीच विजयी होणार, असे प्रतिपादन शिवसेना नेते व माजी केंद्रीय मंत्री अनंत गीते यांनी केले. पनवेल ग्रामीण विभागातील शिवसेना पदाधिकारी, महिला आघाडी व युवासेना पदाधिकारी यांच्या मोर्बे येथील बैठकीत ते बोलत होते. यावेळी शिवसेना उपनेते बबन पाटील, जिल्हा संपर्क प्रमुख प्रसाद भोईर, जिल्हा सहसंपर्क प्रमुख अनिल चव्हाण, उपजिल्हा प्रमुख भरत पाटील, महानगर समन्वयक दीपक घरत, महानगर प्रमुख अवचित राऊत, तालुका प्रमुख ज्ञानेश्वर बडे, तालुका संघटक रामदास पाटील, युवासेना जिल्हाधिकारी पराग मोहिते उपस्थित होते.