आंबेडकरी स्त्री संघटनतर्फे संविधान महोत्सव-जागृती परिषदेचे आयोजन

आंबेडकरी स्त्री संघटनतर्फे संविधान महोत्सव-जागृती परिषदेचे आयोजन
कल्याण (वार्ताहर) : भारतीय संविधानाला यंदा ७५ वर्षे पूर्ण होत असून, त्यानिमित्ताने प्रत्येक नागरिकांमध्ये भारतीय संविधानाची जनजागृती व्हावी व संविधानाची मूल्ये कळावी याकरिता आंबेडकरी स्त्री संघटनेने संविधान महोत्सव-जागृती परिषदेचे आयोजन केले आहे. मंगळवारी (ता. २५) आंबेडकर भवन येथे सकाळी १० ते सायंकाळी ६ या कालावधीत कार्यक्रम होणार आहे. या परिषदेच्या निमंत्रक संघटना संस्थापक प्रा. आशालता कांबळे आहेत, तर या कार्यक्रमाचे उद्‍घाटन अभिनेता, कवी डॉ. मिलिंद शिंदे करणार असून, अध्यक्षस्थानी सामाजिक कार्यकर्त्या डॉ. प्रज्ञा पवार असतील. या वेळी टॉक शो होणार असून, त्यात सुनील खोब्रागडे, राही भिडे, चयनिका शाह, डॉ. कुंदा प्र. नि., हसीना खान यांचा सहभाग असणार आहे, तर समारोपप्रसंगी प्रमुख वक्ते म्हणून विचारवंत प्रा. डॉ. राम पुनियानी असणार आहेत. या कार्यक्रमासाठी सर्वांनी मोठया संख्येने उपस्थित राहण्याचे आवाहन आयोजकांनी केले आहे.