पालिकेच्या ४२६ घरांची सोडत पुढे ढलकली

पालिकेच्या ४२६ घरांची
सोडत पुढे ढकलली
सकाळ वृत्तसेवा
मुंबई, ता. २१ ः महापालिकेच्या ४२६ घरांची साेडत तांत्रिक अडचणींमुळे पुढे ढकलण्यात आली आहे. आता पुढील आठवड्यात ही सोडत काढण्याचे निश्चित करण्यात आले आहे. अद्याप सोडतीची नवीन तारीख ठरलेली नाही. या घरांसाठी दाेन हजार ३७ जणांनी अर्ज भरले आहेत.

तांत्रिक अडचणींमुळे सोडत पुढे ढकलल्याचे पालिकेतर्फे सांगण्यात आले. अत्यल्प व अल्प उत्पन्न गटांच्या घरांसाठी गुरुवारी (ता. २०) ही साेडत काढण्यात येणार हाेती. मरोळ आणि जोगेश्वरी येथील घरांसाठी सर्वाधिक म्हणजे सुमारे एक हजार अर्ज आले आहेत. त्या तुलनेत कांदिवली, गोरेगाव, कांजूर येथे तुलनेने कमी अर्ज आले असल्याची माहिती पालिकेच्या सूत्रांनी दिली आहे.
----------