दिव्यांग स्टॉलवर कारवाई केल्याने अपंग विकास महासंघाचे केडीएमसी मुख्यालयाबाहेर बेमुदत धरणे आंदोलन

मुख्यालयाबाहेर अपंग विकास महासंघाचे धरणे
दिव्यांग स्टॉल हटविल्याने पालिकेविरोधात बेमुदत धरणे
कल्याण (वार्ताहर) : कल्याण पश्चिमेतील लालचौकी परिसरातील दिव्यांग स्टॉलवर पालिकेने कारवाई केल्याने अपंग विकास महासंघाने मुख्यालयाबाहेर बेमुदत धरणे आंदोलन सुरु केले आहे. पालिकेने २००८ साली लक्ष्मण मोरे यांना लालचौकी परिसरात दिव्यांग स्टॉलची परवानगी दिली आहे. असे असतांना कुठलीही पूर्वसूचना न देता प्रभाग अधिकारी धनंजय थोरात यांनी या दिव्यांग स्टॉलवर कारवाई करत तोडले आहे. यामुळे लक्ष्मण मोरे यांच्या उदरनिर्वाहाचा प्रश्न निर्माण झाला असून याप्रकरणी दोषींवर कारवाई करण्याच्या मागणीसाठी पालिकेविरोधात बेमुदत आंदोलन करत असल्याची माहिती अपंग विकास महासंघाचे अध्यक्ष अशोक भोईर यांनी दिली.