कर्तुत्ववान तरुणींचा गौरव

कर्तृत्ववान तरुणींचा गौरव
मुंबई, ता. २५ ः अंधेरी पश्‍चिमेतील नवकिरण मंडळ यावर्षी सुवर्ण महोत्सवी वर्ष साजरे करीत आहे. यानिमित्त मंडळाने कर्तृत्‍ववान तरुणींचा गुणगौरव केला. भाजपचे मुंबई अध्यक्ष आमदार अमित साटम, माजी नगरसेवक रोहन राठोड यांच्या हस्ते तरुणींना सन्मानित करण्यात आले.
नेतृत्वगुण वाढीस लागावे, चांगले नागरिक घडावेत, यासाठी मंडळाने मागील ५० वर्षांपासून मंडळ विविध सामाजिक, क्रीडा उपक्रम राबवत आहे. माजी नगरसेवक अशोक जाधव यांना पर्सन ऑफ प्राइड म्हणून गौरविण्यात आले. नवकिरणला शुभेच्छा देण्यासाठी कोकिळाबेन रुग्‍णालयाचे जनसंपर्क अधिकारी योगेश पाटील, डॉ. मनीषा व जयप्रकाश बिडये उपस्थित होते.
बृहन्मुंबई वृत्तपत्र संघाचे रवींद्र चिले, रवि संसारे, बृहन्मुंबई वृत्तपत्र विक्रेता संघाचे कार्याध्यक्ष मधुसूदन सदडेकर, सुभाष राणे, रीना मुलीया त्यांनी कार्यक्रमाचे नियोजन केले होते. कार्यक्रम यशस्‍वी पार पाडण्यासाठी महेंद्र सुर्वे, संतोष चव्हाण, भाग्यलक्ष्मी यांनी मेहनत घेतली.