शहाड परिसरातील खाजगी बसेसची अनधिकृत पार्किंग बंद

शहाड परिसरातील खाजगी बसेसची अनधिकृत पार्किंग बंद करा
भाजपाचे वार्ड अध्यक्ष मोहन कोनकर यांचे वाहतूक विभागाला पत्र
कल्याण, ता. २९ (वार्ताहर) : कल्याण पश्चिमेतील शहाड परिसरातील खाजगी बसेसची अनधिकृत पार्किंग बंद करण्याची मागणी भाजपाच्या वतीने करण्यात आली आहे. याबाबत भाजपाचे वार्ड अध्यक्ष मोहन कोनकर यांनी वाहतूक विभागाला पत्र दिले आहे.
प्रभाग क्र. १५ येथे रोज संध्याकाळी खाजगी बसेस मोहने रोड, पाटीदार हॉल ते मोहनखेडा बिल्डींगपर्यंत बसेसची अनधिकृत पार्किंग होते. या पार्किंगमुळे नागरिकांना रस्त्यावरून चालतांना त्रास होत आहे. बसेच्या मागे दुकाने असल्याने याठिकाणी चोऱ्यांचे प्रकार देखील वाढले आहेत. बसेसच्या मागे गर्दुल्ले बसतात, त्यामुळे नागरिकांच्या सुरक्षेचा देखील प्रश्न असून एखादी मोठी घटना किंवा मोठा गुन्हा घडण्याचे नाकारता येत नाही. त्यामुळे येथील बसेसची अनधिकृत पार्किंग बंद करण्याची मागणी मोहन कोनकर यांनी वाहतूक विभागाकडे केली आहे.