२५ उत्कृष्ट एकांकिका पाहण्याची संधी

२५ उत्कृष्ट एकांकिका पाहण्याची संधी
पनवेलमध्ये आजपासून राज्यस्तरीय ‘अटल करंडक’ स्पर्धा
पनवेल, ता.४ (बातमीदार)ः रामशेठ ठाकूर सामाजिक विकास मंडळ, अखिल भारतीय मराठी नाट्य परिषद पनवेल शाखा आणि चांगू काना ठाकूर महाविद्यालय यांच्या संयुक्त विद्यमाने १२ वी राज्यस्तरीय ‘अटल करंडक’ एकांकिका स्पर्धा होणार आहे. यानिमित्ताने राज्यभरातून निवड झालेल्या २५ उत्कृष्ट एकांकिका तीन दिवसांत पाहण्याची संधी नाट्यप्रेमींना मिळणार आहे.
पनवेलमधील आद्यक्रांतिवीर वि.वा.फडके नाट्यगृहात ५,६, ७ डिसेंबर रोजी ही स्पर्धा होणा आहे. या स्पर्धेतील विजेत्या एकांकिकेला १ लाख रुपये व ‘अटल करंडक’ प्रदान केला जाणार आहे. तसेच ज्येष्ठ रंगकर्मी नीना कुलकर्णी, अभिनेते-निर्माते सुनिल बर्वे यांचा गौरव रंगभूमीचा पुरस्काराने सन्मान होणार आहे. पनवेल महापालिका आयुक्त मंगेश चितळे यांच्या हस्ते शुक्रवारी (ता.५) सकाळी ९ वाजता स्पर्धेचे उद्घघाटन होणार आहे. या सोहळ्याला गिरीश ओक, दिग्दर्शिका प्रतिमा कुलकर्णी, अभिनेते सुनील तावडे, सुव्रत जोशी, जयवंत वाडकर उपस्थिती लावणार आहेत.
----------------------
मनोरंजनाची पर्वणी
स्पर्धेचा पारितोषिक वितरण समारंभ रविवारी (ता.७) सायंकाळी ४ वाजता माजी खासदार रामशेठ ठाकूर यांच्या अध्यक्षतेखाली आहे. सूत्रसंचालन अभिनेते पुष्कर श्रोत्री करणार असून ‘हास्यजत्रा’ फेम कलाकारांचे विशेष मनोरंजनपर कार्यक्रम सादर केला जाणार आहे.