कराटे चॅम्पियनशिपमध्ये महाराष्ट्रातील खेळाडूंची दमदार कामगिरी

कराटे चॅम्पियनशिपमध्ये महाराष्ट्रातील खेळाडूंची दमदार कामगिरी
मुंबई, ता. ४ : कराटे इंडियन ऑर्गनायझेशनने दिल्ली येथे आयोजित केलेल्या ऑल इंडिया आंतर क्षेत्र कराटे चॅम्पियनशिपमध्ये महाराष्ट्रातील खेळाडूंनी दमदार कामगिरी केली आहे. १ आणि २ डिसेंबरला दिल्लीतील तालकातोरा स्टेडियमवर ही स्पर्धा पार पडली. यामध्ये आर्वी मयेकर हिने ७ वर्षाखालील वयोगटात रौप्य पदक, माहिर पाडावे याने ८ वर्षाखालील वयोगटात कांस्य पदक आणि सिद्धी मयेकर हिने १७ वर्षाखालील वयोगटात कांस्य पदक मिळवले आहे. या खेळाडूंना उमंग स्पोर्ट्स अँड कल्चरल अकादमीचे प्रशिक्षक अभिषेक चव्हाण आणि अमेरिकन जे.के .ए चे प्रमुख योगेश कांबळी यांचे मार्गदर्शन लाभले. राज्यसभेच्या खासदार संगीता यादव यांनी या खेळाडूंना त्यांच्या दिल्ली येथील निवासस्थानी आमंत्रित करून त्यांचे अभिनंदन केले आणि पुढील वाटचालीसाठी शुभेच्छा दिल्या.