घाटकोपरमध्ये राजयोगिनी डॉ. नलिनी दिदी स्मृती चौकाचे उदघाटन

घाटकोपरमध्ये डॉ. नलिनी दीदी स्मृती चौकाचे उद्घाटन
घाटकोपर, ता. ४ (बातमीदार) : घाटकोपर पूर्व, टिळक रोड येथील आशीर्वाद रुग्णालयाजवळ ज्ञानवीणा वादिनी पूजनीय राजयोगिनी डॉ. नलिनी दीदी स्मृती चौकाचे उद्घाटन मोठ्या उत्साहात झाले. आमदार पराग शाह आणि राष्ट्रीय समन्वयक राजयोगी ब्रह्माकुमार निकुंज यांच्या हस्ते या चौकाचे उद्घाटन झाले.
मुंबईतील नेहमीच्या काळ्या दगडांऐवजी हा चौक राजस्थानमधून मागवलेल्या शुद्ध पांढऱ्या दगडातून साकारण्यात आला आहे. या वेळी नगरसेवक भालचंद्र शिरसाट, डॉ. भास्कर शाह, ब्रह्माकुमारी शाकू दीदी आणि विष्णुप्रिया आदी मान्यवर उपस्थित होते. हा चौक रस्त्याच्या दोन्ही बाजूंना विकसित करण्यात आला असून, उद्घाटन सोहळ्याला नागरिक मोठ्या संख्येने उपस्थित होते.