‘मकून्स’ वार्षिक महोत्सवात चिमुकल्यांचा मनोहारी सादरीकर

वार्षिक महोत्सवात चिमुकल्यांचा मनमोहक सादरीकरण
ठाणे (बातमीदार) : ओवळा आणि कासारवडवली येथील मकून्स प्रीस्कूल यांचा काशीनाथ घाणेकर सभागृहात वार्षिक महोत्सव उत्साहात पार पडला. यंदाचा सोहळा ‘सीझन्स ऑफ लाइफ’ या थीमवर आधारित होता. चिमुकल्यांनी उन्हाळा, पावसाळा आणि हिवाळा यांचे सजीव सादरीकरण केले. यावर प्रेक्षकांनीही उत्स्फूर्त दाद दिली. तर, शाळेच्या सहाय्यक कर्मचाऱ्यांचा सन्मान करण्यात आला. प्राचार्यांनी बालकांच्या आत्मविश्वासाला महत्त्व दिले व पालकांचा सहभाग कौतुकास्पद असल्याचे सांगितले. कार्यक्रमात लहानग्यांना पुरस्कार व सन्मानपत्रे दिली गेली. टाळ्यांच्या गजरात हा संस्मरणीय महोत्सव यशस्वीरीत्या संपन्न झाला.