एन एस एस महाविद्यालयात तरुणांईचा सूर घुमला

गायन स्पर्धेत संचिता जोशी प्रथम

प्रभादेवी, ता. ६ (बातमीदार) : एनएसएस महाविद्यालयात आयोजित करण्यात आलेल्या गायन स्पर्धेत तरुणांनी आळवलेल्या सुरांनी उपस्थितांना मंत्रमुग्ध केले. एकल गायन स्पर्धेत बी. के. बिर्ला महाविद्यालयाची संचिता जोशी हिने पहिला, संत गाडगे महाराज महाविद्यालयाची चांदणी कोळी हिने दुसरा व रामनिरंजन झुनझुनवाला महाविद्यालयाची प्रिया मिश्रा हिने तिसरा क्रमांक पटकावला. द्वंद्व गायन स्पर्धेत दीक्षा निरभवणे व प्रीतम राजभर यांनी पहिला, तर तनिश लाड आणि वेद चव्हाण यांनी दुसरा क्रमांक पटकावला.
ताडदेव येथील नागरिक शिक्षण संस्थेच्या वाणिज्य आणि अर्थशास्त्र महाविद्यालयाने मुंबई विभागातील महाविद्यालयीन युवकांसाठी ‘जोश’ या आंतरमहाविद्यालयीन गायन स्पर्धेचे आयोजन केले होते. एकल आणि द्वंद्व अशा दोन प्रकारच्या गायन स्पर्धांमध्ये मुंबई विभागातील विविध महाविद्यालयांतील एकूण २७ स्पर्धकांनी सहभाग घेतला होता.