कौटुंबिक वादावर‘मध्यस्थी’तून भाष्य

कौटुंबिक वादावर‘मध्यस्थी’तून भाष्य
बेलापूर न्यायालयातील जनजागृती कार्यक्रमाला प्रतिसाद
नवी मुंबई, ता. ७ (वार्ताहर) : कौटुंबिक वाद न्यायालयात सामोपचाराने सोडवता येतात, हा संदेश देण्यासाठी बेलापूर येथे मध्यस्थी विषयावर लघु नाटिकेचे सादरीकरण करण्यात आले. या उपक्रमाला विधीज्ञ, पक्षकार, विविध क्षेत्रातील मान्यवरांनी उपस्थिती लावली होती.
न्यायालयीन लढाईत वर्षानुवर्षे रखडणाऱ्या प्रकरणांना मध्यस्थीमुळे जलद, सौहार्दपूर्ण तोडगा काढण्यावर प्रकाश टाकला. या नाटिकेत ॲड. वंदना दळवी, ॲड. शोभा पाटील, ॲड. संध्या सावंत, ॲड. कृष्णा पवार, ॲड. प्रसाद मढवी, ॲड. विशाखा जाधव, ॲड. किरण भोसले, कौटुंबिक न्यायालयाचे वरिष्ठ लिपिक कांचन किरवे, सहायक राज निकम यांनी सहभाग घेतला. नवरा-बायकोतील तणाव, त्याचा मुलांवर पडणारा परिणाम, कोर्टात मध्यस्थीच्या माध्यमातून निर्माण झालेला संवाद, अशा संवेदनशील मुद्यांना उजाळा देण्यात आला. या सादरीकरणात योगदान देणाऱ्या सर्व कलाकारांना कौटुंबिक न्यायालय, नवी मुंबई कोर्ट बार संघटनेच्यावतीने प्रशस्तीपत्र देऊन सन्मानित करण्यात आले.