न्यू कळवा कनिष्ट महाविद्यालयाचा शेतकऱ्यांना मदतीचा हात!

न्यू कळवा कनिष्ठ महाविद्यालयाचा शेतकऱ्यांना मदतीचा हात
‘सकाळ रिलीफ फंडा’साठी २१ हजारांचा धनादेश सुपूर्द

कळवा, ता. ७ (बातमीदार) ः मुसळधार पावसामुळे झालेल्या पूरस्थितीमुळे मराठवाड्यातील अनेक शेतकऱ्यांचे संसार उद्ध्वस्त झाले आहेत. अशा शेतकऱ्यांसाठी महाराष्ट्रातून अनेक संस्थांनी मदतीचा हात पुढे केला आहे. या बाधीत शेतकऱ्यांच्या मदतीसाठी खारीचा वाटा म्हणून सामाजिक बांधिलकी जपत ठाण्यातील कळवा येथील गोपाळराव पाटील शिक्षण संस्थेच्या न्यू कळवा हायस्कूल व कनिष्ठ महाविद्यालयाच्या शिक्षक, शिक्षकेतर कर्मचारी व विद्यार्थ्यांनी शेतकऱ्यांना आर्थिक मदत केली. त्यांनी ‘सकाळ रिलीफ फंडा’त २१ हजारांची मदत केली. या मदतीचा धनादेश महाविद्यालयाचे प्राचार्य प्रा. डी. के. बिन्नर, उपप्राचार्य प्रा. सुभाष जाधव यांनी ‘सकाळ’च्या प्रतिनिधींकडे सुपूर्द केला. या वेळी प्रा. अण्णा परदेशी, नागेश हुलावले, अनिल शिंदे, संजय गायकवाड, रूपाली बांगर, वैशाली ठोके आदी उपस्थित होते.