डहाणू–बोर्डी बीचवर मॅरेथॉन आणि महास्वच्छता अभियान संपन्न

डहाणू-बोर्डी बीचवर मॅरेथॉन व महास्वच्छता अभियान
कासा, ता. ७ (बातमीदार) : डहाणू-बोर्डी समुद्रकिनाऱ्यावर रविवारी (ता. ७) ऐतिहासिक मॅरेथॉन आणि महास्वच्छता अभियान पार पडले. धावपटू, विद्यार्थी आणि नागरिकांनी प्लास्टिक कचरा गोळा करत ''गार्डियन ऑफ नेचर'' बनण्याचा संकल्प केला. जिल्हाधिकारी डॉ. इंदू राणी जाखड यांनी या उपक्रमाचा मुख्य हेतू किनारा आणि पर्यटन संवर्धन असल्याचे सांगितले. महाराष्ट्र राज्याचे क्रीडा मंत्री माणिकराव कोकाटे यांनी मोबाईल संदेशाद्वारे या उपक्रमाला शुभेच्छा देत आरोग्य, खेळ, भावना आणि पर्यावरण संरक्षण यासाठी हा उपक्रम अत्यंत महत्त्वाचा असल्याचे सांगितले.