भाजपा एक पाऊल पुढे

भाजपचे मतदारसंघनिहाय मेळावे सुरू
मुंबई : मुंबई महापालिका निवडणुकीची जोरदार तयारी भाजपने सुरू केली असून, पुढील १५ दिवसांमध्ये ३६ विधानसभा मतदारसंघांमध्ये नागरी मेळावे आयोजित करून भाजपने एक पाऊल पुढे टाकले आहे. या मेळाव्यांची सुरुवात रविवारी (ता. ७) वरळी येथून करण्यात आली. विधानसभा मतदारसंघ पातळीवरील या नागरी मेळाव्यांसाठी विविध क्षेत्रांतील व्यावसायिक, डॉक्टर्स, सनदी लेखापाल, वकील, गृहनिर्माण सोसायट्या, चाळ कमिट्यांचे पदाधिकारी तसेच विविध समाजघटकांना निमंत्रित केले जाणार आहे. प्रत्येक मेळाव्यात गेल्या ११ वर्षांत मुंबईत करण्यात आलेल्या विकासकामांचा माहितीपट दाखवला जाईल तसेच प्रत्येक कार्यक्रमात शहरातील एक वरिष्ठ भाजप नेता मुख्य वक्ता म्हणून उपस्थित राहील, अशी माहिती मुंबई भाजप अध्यक्ष आमदार अमित साटम यांनी दिली.