जातीवाचक शिवीगाळप्रकरणी गुन्हा दाखल

भिवंडी (वार्ताहर) : महिलेला जातीवाचक शिवीगाळ करून धमकावल्याप्रकरणी विमा एजंट असणाऱ्या व्यक्तीविरोधात भोईवाडा पोलिस ठाण्यात शनिवारी (ता. ६) गुन्हा दाखल करण्यात आला आहे. पोलिसांनी दिलेल्या माहितीनुसार, ४१ वर्षीय महिला आणि संशयित आरोपी एकमेकांच्या ओळखीचे असून ती बिपीन नागडा यांच्या कार्यालयात काम करत होती. त्यावेळी दोघांमध्ये वाद झाला होता. त्यानंतर महिलेने बिपीन यांच्याविरोधात कामगार न्यायालयात खटला दाखल केला आहे. ३१ ऑक्टोबरला सकाळी धामणकर नाका ते पायल टॉकीजकडे जाण्याऱ्या रस्त्यावरून जात असताना बिपीन हे गाडीने जात होते. त्या वेळी त्यांना आवाज देवून थांबवत न्यायालयामध्ये सुरू असलेली केस आपसात मिटवण्याचे सांगून पगारातील कापून घेतलेली रक्कम परत करण्यास सांगितले. त्या वेळी बिपीन यांनी महिलेला जातीवाचक शब्दप्रयोग करत शिवीगाळ करीत धमकावले आहे.