घाटकोपर येथे संगीतमय शिवमहापुराण कथेचे आयोजन

संगीतमय शिवमहापुराण कथा

घाटकोपर (बातमीदार) : श्री संत ज्ञानेश्वर प्रासादिक भजन मंडळाच्या वतीने घाटकोपर पश्चिमेतील छत्रपती शिवाजी महाराज क्रीडांगण, असल्फा येथे संगीतमय शिवमहापुराण कथेचा कार्यक्रम सुरू आहे. कार्यक्रमाला माजी नगरसेवक किरण लांडगे व अनिता लांडगे यांचे विशेष मार्गदर्शन व सहयोग लाभला आहे. कथाकार हभप गुरुवर्य साध्वी सोनाली (दीदी) करपे, गेवराई- जिल्हा बीड यांचे आठवडाभर सायंकाळी ६.३० ते रात्री ९.३० या कालावधीत शिवपुराण महात्म्य, भक्त नारदजी कथा, सृष्टी उत्पत्ती कथा, शिवलिंगाचे प्रकार, शिवपार्वती विवाह, गणेश कार्तिक जन्मकथा आणि बारा ज्योतिर्लिंग कथा यावर कथा प्रवचन होणार आहे. रविवारी (१४ डिसेंबर) सकाळी १० ते दुपारी १२ या या वेळेत काल्याचे कीर्तन आणि महाप्रसादाचे आयोजन केले आहे. मंडळाच्या स्थापनेचे यंदा २६ वे वर्ष असून, सलग १३ वर्षांपासून अखंड हरिनाम सप्ताहाची परंपरा सुरू आहे, असे मंडळाचे अध्यक्ष संजय लांडगे यांनी सांगितले.