आंबेशिवमध्ये बिबट्याच्या हालचाली वाढल्या; कोंबड्यांवरची झडप सीसीटीव्हीत कैद!

आंबेशिवमध्ये बिबट्याचा शोध सुरू
बदलापूर, ता. १० (बातमीदार) ः अंबरनाथ तालुक्यातील आंबेशिव गावात काही दिवसांपासून बिबट्याच्या हालचालींना वेग आला आहे. परिणामी ग्रामस्थांमध्ये भीतीचे वातावरण निर्माण आहे. काल-परवापर्यंत दोन शेळ्या फस्त केल्यानंतर बिबट्याने कोंबड्यांवर झडप मारण्याचा प्रयत्न केला, मात्र हा प्रयत्न फसला. बिबट्याच्या या हालचाली गावातील सीसीटीव्ही कॅमेऱ्यात कैद झाल्या आहेत. वन विभागाने तत्काळ दखल घेत परिसरात गस्त वाढवली आहे. बिबट्याचा मागोवा घेण्याचे प्रयत्न सुरू आहेत. जीवितहानी होऊ नये यासाठी वन विभागा सुरक्षा उपाययोजना राबवत आहे. ग्रामस्थांना सावधगिरी बाळगण्याचे आवाहन करण्यात आले असून, घरांच्या परिसरात प्रकाश व्यवस्था, झुडपी वाढ काढणे आणि पाळीव प्राण्यांची विशेष काळजी घेण्याच्या सूचना देण्यात आल्या आहेत.