वाहतूक पोलिसांनी लावला एक कोटींच्या १५ वाहनांचा छडा
वर्षभरातील कामगिरी
सकाळ वृत्तसेवा
ठाणे, ता. ११ : ठाणे शहर वाहतूक शाखेच्या नियमित तपासणीत वर्षभरात तब्बल एक कोटी रुपये किमतीची १५ वाहने हस्तगत करण्यात यश आले आहे. या कारवाईत आलिशान ऑडी कार आणि हार्ले डेव्हिडसन या महागड्या दुचाकीचाही समावेश आहे. हस्तगत केलेल्या वाहनांसोबत ताब्यात घेतलेल्या चोरांना संबंधित पोलिस ठाण्यांच्या हवाली करण्यात आले आहे, अशी माहिती वाहतूक शाखेने दिली.
ठाणे पोलिस आयुक्तालय क्षेत्रात ठाणे, डोंबिवली, कल्याण, विठ्ठलवाडी, उल्हासनगर, अंबरनाथ, बदलापूर आणि भिवंडी ही शहरे येतात. या क्षेत्रातील ३५ पोलिस ठाण्यांतर्गत एकूण १८ वाहतूक कक्ष कार्यरत आहेत. वाहतुकीचे नियमन, वाहन तपासणी आणि नियम मोडणाऱ्या वाहनचालकांना चाप बसावा याकरिता वेळोवेळी वाहनांची तपासणी केली जाते. १ जानेवारी ते ९ डिसेंबर २०२५ या कालावधीत वाहतूक पोलिसांनी केलेल्या वाहनांच्या तपासणीत तब्बल १५ चोरीच्या वाहनांचा छडा लावण्यात वाहतूक शाखेला यश आले आहे. या वाहनांमध्ये एक आलिशान ऑडी कार, महागडी हार्ले डेव्हीडसन दुचाकी, १० दुचाकी आणि चार ऑटो रिक्षांचा समावेश आहे.
वाहतुकीचे नियमन करीत असताना वाहतूक पोलिस कर्मचारी वाहनांसंबधित कागदपत्रांचीही मागणी करतात. अनेकदा पोलिसांची ही सर्वंकष तपासणी वाहनचालकांना डोकेदुखी ठरून जाचक वाटत असते, मात्र प्रत्येक वाहनचालकाने हेल्मेट आणि योग्य परवान्यासह आपण चालवित असलेल्या वाहनांशी संबंधित कागदपत्रे सोबत बाळगणे गरजेचे आहे, जेणेकरून तपासणीदरम्यान गैरसोईचे ठरणार नाही.
- पंकज शिरसाट, पोलिस उपायुक्त, वाहतूक विभाग
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.