ठाण्यात विवाहितेसह आणखी दोघी बेपत्ता

ठाण्यात विवाहितेसह दोघी बेपत्ता
ठाणे, ता. ११ : शहरातील घोडबंदर रोडवरील जुना वाघबीळ गावातून एकाच वेळी तिघी बेपत्ता झाल्या आहेत. यामध्ये एक विवाहिता, दुसरी युवती आणि तिसरी अल्पवयीन मुलगी असल्याची माहिती कासारवडवली पोलिसांनी दिली.
तक्रारदार यांची २५ वर्षीय मुलगी विवाहित असून, ती हिंगोली येथे दोन मुलांसमवेत राहते. गेल्या चार महिन्यांपासून ती दोन मुलांसह ठाण्यात राहण्यास आली आहे. ९ डिसेंबर रोजी कोणालाही काही न सांगता ती घरातून निघून गेली. तसेच तिच्या शेजारी राहणारी १५ वर्षीय मुलगी आणि १९ वर्षीय युवती या बेपत्ता आहेत. त्या तिघींना कोणीतरी फूस लावून पळवून नेल्याप्रकरणी अपहरणाचा गुन्हा दाखल करण्यात आल्याची माहिती कासारवडवली पोलिसांनी दिली.