वाशीनाका परिसरात पाण्याची गळती

वाशीनाका परिसरात पाण्याची गळती

चेंबूर (बातमीदार) : वाशीनाका येथील म्हाडा वसाहतीकडे जाणाऱ्या मार्गावरील मुख्य जलवाहिनीतून पाण्याची मोठी गळती सुरू असून लाखो लिटर पाणी वाया जात आहे. वाशीनाका परिसरात डोंगराळ भागात मोठी झोपडपट्टी, एमएमआरडीए इमारती, मोठ्या कंपन्या आणि सिमेंट प्लांट आहेत. त्यामुळे या परिसरात मोठ्या प्रमाणात पाणीपुरवठ्याची गरज आहे.
डोंगराळ भागातील झोपडपट्टीतील रहिवाशांना गेल्या कित्येक दिवसांपासून कमी दाबाने पाणीपुरवठा होत आहे. परिणामी, रहिवाशांना दूरवरून पाणी आणावे लागत आहे; मात्र दुसरीकडे याच परिसरातील म्हाडा वसाहतीकडे जाणाऱ्या मार्गावरील पाइपलाइनमधून मोठ्या प्रमाणात पाणी वाया जात आहे.