ओंदे महाविद्यालयात आरोग्य तपासणी

ओंदे महाविद्यालयात आरोग्य तपासणी
विक्रमगड (बातमीदार) ः महाविद्यालयात अंतर्गत गुणवत्ता हमी कक्ष, राष्ट्रीय सेवा योजना विभागाच्या वतीने आरोग्य तपासणी करण्यात आली. या तपासणीचा लाभ महाविद्यालयातील सर्व प्राध्यापक, शिक्षकेतर कर्मचाऱ्यांनी घेतला. आजच्या काळात निरोगी आरोग्य किती महत्त्वाचे आहे, याबद्दल जनजागृती करून भविष्यात काळजी घेण्याबाबतचे मार्गदर्शन केले. प्राचार्य डॉ. विनोद सोनवणे यांनी शिक्षक, शिक्षकेतर कर्मचाऱ्यांना मार्गदर्शन केले. या उपक्रमासाठी संस्थेचे अध्यक्ष मिलिंद पाटील, प्राचार्य डॉ. विनोद सोनवणे, गुणवत्ता हमी कक्षाचे प्रमुख डॉ. सय्यद जुनेद यांनी पुढाकार घेतला.